Artıq 2025-ci ilin yekunlarına doğru irəliləyirik. Geridə qoyduğumuz il “Keşikçidağ” Dövlət tarix-mədəniyyət qoruğu üçün elmi, mədəni və ictimai fəaliyyətlər baxımından olduqca zəngin və məhsuldar olmuşdur. İl ərzində həyata keçirilən çoxsaylı tədbirlər sırasında qoruğun fəaliyyətinin 18 illiyinə həsr olunmuş hesabat xarakterli təqdimat mərasimi xüsusi əhəmiyyət kəsb etmişdir.
Tədbirin əsas məqsədi qoruğun indiyədək gördüyü işlərin, əldə olunmuş nəticələrin, qarşıya qoyulan strateji hədəflərin, eləcə də beynəlxalq əməkdaşlıq istiqamətində həyata keçirilən və planlaşdırılan fəaliyyətlərin ictimaiyyətə və tərəfdaş qurumlara təqdim olunmasından ibarət olmuşdur.
“Keşikçidağ” Dövlət tarix-mədəniyyət qoruğu
“Keşikçidağ” mağaralar kompleksinin ərazisi Azərbaycanın tarixi torpaqları olmaqla, buradakı qədim və orta əsrlər maddi-mədəniyyət nümunələri də ulu əcdadlarımızdan xalqımıza qalan mirasdır.