“Keşikçidağ” Dövlət tarix-mədəniyyət qoruğunun ərazisində yerləşən qoruğa məxsus informasiya mərkəzinin yanında Ali Baş Komandanın rəhbərliyi altında 44 günlük Vətən müharibəsində şanlı tarix yazan şəhidlərimizin xatirəsinin əbədiləşdirilməsi məqsədilə salınmış “Badam bağı” qoruq əməkdaşları tərəfindən alaq otlarından təmizlənmiş və suvarılmışdır. Həmçinin ərazinin küləkli olması səbəbindən tinglərin sınmaması üçün diblərinə bərkidilmiş dirəklər möhkəmləndirilmişdir.
