16 Sentyabr Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Dövlət reyestrinin aparılması, abidələrə və tədqiqatlara nəzarət sektorunun müdiri Pərviz Nəcəfov qoruq ərazisindən aşkar olunaraq qeydiyyata alınması üçün Mədəniyyət Nazirliyinə təqdim olunmuş abidələri yerində yoxlamaq üçün qoruq ərazisində olmuşdur. Eyni zamanda sənətşünaslıq üzrə elmlər doktoru, Özbəkistan Respublikasının Turan Elmlər Akademiyasının həqiqi üzvü, Səmərqənd Dövlət Universitetinin professoru İmaş Hacıyev qoruqda elmi araşdırmalar aparmışdır. Daha sonra qoruğun inzibati binasında dəyirmi masa təşkil edilmiş, qoruq əməkdaşları ilə fikir mübadiləsi aparılmışdır.
