Azərbaycan Milli Elmlər Akademiyası Arxeologiya və Antropologiya İnstitutunun aparıcı elmi işçisi, tarix üzrə fəlsəfə doktoru, dosent Pərviz Qasımovun iştirakı ilə “Keşikçidağ” Dövlət tarix-mədəniyyət qoruğunun inzibati binasında “Keşikçidağ Kurqanlar Vadisində aparılan arxeoloji qazıntılar və bu qazıntılar nəticəsində üzə çıxarılan maddi-mədəniyyət nümunələrinin elmi təhlili” mövzusunda dəyirmi masa təşkil olunmuşdur. Dəyirmi masada diskussiya çərçivəsində əldə edilmiş artefaktların xronoloji və funksional mənsubiyyəti, etnoqrafik kontekstdə təhlili və bu tapıntıların regionun mədəni inkişaf xəritəsindəki yeri müzakirə olunmuşdur.
