Azərbaycanın müstəqillik tarixində hüzn və şərəf səhifəsi olan 20 Yanvar faciəsindən 35 il ötür. Bu gün Azərbaycanın suverenliyi və azadlığı uğrunda canlarını fəda edənlərin xatirəsi böyük ehtiramla yad edilir.
“Keşikçidağ” Dövlət tarix-mədəniyyət qoruğunun rəhbərliyi və kollektivi Ağstafa rayon Şəhidlər Xiyabanını ziyarət etmiş, ölkəmizin müstəqilliyi uğrunda canlarını fəda etmiş insanların ruhuna ehtiram əlaməti olaraq tər qərənfillər düzmüşlər.Həmçinin “Keşikçidağ”Dövlət tarix-mədəniyyət qoruğunun ərazisində yerləşən “Badam bağı”nda 20 Yanvar faciəsində şəhid olmuş 147 nəfər şəhidin sayına uyğun olaraq 147 ədəd badam tingi əkilmişdir.
