Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin xətti ilə 16–25 iyul 2025-ci il tarixlərində “Miras” Mədəni İrsin Öyrənilməsinə Kömək İctimai Birliyinin təşkilatçılığı ilə keçirilən “Mədəni İrs Beynəlxalq Ustad Məktəbinin yaradılması və kursların keçirilməsi” adlı layihədə “Keşikçidağ” Dövlət tarix-mədəniyyət qoruğunun əməkdaşları Həsənov Elşən və İbrahimov Alı iştirak etmişlər. Qoruq əməkdaşlarının bu cür beynəlxalq səviyyəli tədbirlərə cəlb olunması onların peşəkar bilik və bacarıqlarının artırılmasına xidmət etməklə yanaşı, regionlarda mədəni irsin qorunması və idarə olunması sahəsində təcrübə və bilik mübadiləsinin genişlənməsinə mühüm töhfə verir.
