18Aprel Beynəlxalq Abidələr və Tarixi Yerlər Günü” münasibətilə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən “Keşikçidağ”Dövlət tarix-mədəniyyət qoruğunda açıq qapı günü keçirilmişdir. Açıq qapı günü çərçivəsində Ağstafa şəhər Ə.Hüseynov adına 1nömrəli tam orta məktəbin şagirdləri qoruğun inzibati binasında yaradılmış və Ceyrançöldə, Keşikçidağ Kurqanlar Vadisində aparılmış elmi tədqiqat və arxeoloji qazıntı işləri nəticəsində əldə olunmuş maddi-mədəniyyət nümunələrindən ibarət kiçik muzey tipli stendlə tanış olmuşlar.Qoruq əməkdaşları tərəfindən şagirdlərə ətraflı məlumat verilmişdir.
