“Keşikçidağ” Dövlət tarix-mədəniyyət qoruğu və Qazaxıstan Respublikasının “Həzrət Sultan” tarix-mədəniyyət qoruq-muzeyinin birgə təşkilatçılığı ilə onlayn görüş keçirilmişdir. Qarşılıqlı əməkdaşlıq müstəvisində keçirilən görüşdə Azərbaycan və Qazaxıstan arasında davam etdirilən tarixi, mədəni, iqtisadi və siyasi əlaqələrdən, hər iki qoruq tərəfindən qabaqcıl təcrübə mübadiləsinin aparılmasının vacibliyindən bəhs olunmuşdur. Görüşdə hər iki qoruğun rəhbərlikləri və əməkdaşları o cümlədən qoruq ərazisində elmi tədqiqat işləri aparmış alimlər iştirak etmişlər.
