21.11.2024-cü il tarixində “Keşikçidağ” və “Avey” Dövlət tarix-mədəniyyət qoruqları və Qazaxıstan Respublikasının “Xan Ordalı-Sarayşık” tarix-mədəniyyət muzey-qoruğunun birgə təşkilatçılığı ilə əməkdaşlıq görüşü (onlayn şəkildə) keçirilmişdir. Görüşün keçirilməsinin əsas səbəbi ortaq türk dövlətləri olaraq eyni zəngin tarixə, mədəniyyətə və irsə malik olmağımızdır. Görüşdə qoruqların rəhbərlikləri, əməkdaşları, Bakı Dövlət Universitetinin dosenti, tarix elmləri namizədi Yunis Nəsibov, tədqiqatçı Faiq Nəsibov çıxış edərək gələcəkdə hər üç qoruq arasında birgə əməkdaşlığın, qarşılıqlı əlaqələrin qurulması və beynəlxalq layihələrin keçirilməsinin vacibliyi barədə müzakirə aparmışlar.
