15-17 avqust 2024-cü il tarixlərində Azərbaycanın Lerik şəhərində Bakı Avrasiya Universiteti və Türkiyənin İqtisadi İnkişaf və Sosial Tədqiqatlar İnstitutu – İksadın birgə təşkilatçılığı ilə elmi konfrans keçirilmişdir. Azərbaycan 2-ci Beynəlxalq Elmi Tədqiqatlar adlı konfransda “Keşikçidağ” Dövlət tarix-mədəniyyət qoruğunun direktoru Musa Mursaquliyev və əməkdaşları da öz məruzələri ilə (slaydla) çıxış etmişlər. Faydalı təcrübə mübadiləsi və qarşılıqlı müzakirə əsasında təşkil olunmuş konfransın sonunda qoruq rəhbərliyi və əməkdaşlarımıza sertifikatlar təqdim olunmuşdur.
